СЛОВО НА ДЕНЬ ЯВЛЕНИЯ 
ПРЕЧИСТОЙ ИКОНЫ БОЖИЕЙ МАТЕРИ В КАЗАНИ
СВЯТИТЕЛЯ ДИМИТРИЯ РОСТОВСКОГО

Ужаснися, человече неблагонравный и небогобоящийся, ужаснися, слышав сие, яко благонравным токмо и богобоящимся помоществует Божия Мати, и избавляет их от великих 6ед и зол, а развращенные нравы имущим и страх Божий от сердца отринувшим помоществовати не соизволяет. И что дивно? Ужели Мати начнет благодетельствовати тем, иже суть врази Сына Ея? Не паче ли прогневается на ня, видя их вторицею Сына Ея распинающих грехами и ругающихся Ему беззаконии своими? Якоже бо древле иудеи Христа распяша и поругашася Ему: сице и ныне всяк человек христианский нечистое житие преходяй и в сквернах своих яко в блате валяйся, ни о покаянии помышляяй, распинает себе вторицею Божия Сына, ругается же Ему во удесех своих, кровию Христовою искупленных, егда взем уды Христовы, творить уды блудничи. Таковый может ли мил быти Пречистей Матери Христовой? Какая бо мати когда возлюби того, иже есть убийца сына ея? Чего же и ты, о человече грешный и ожесточенный, непокаянным твоим сердцем чего надеешися от Матери Божией, Ея же Сына по вся дни и нощи студными твоими делы печалиши, и во удесех твоих безчестиши Его, и томко имя христианское носиши на себе, а делы худше неверных обретаешися! Милосердствует Мати Божия о грешницех, но о тех, иже, аще и падают от немощи человеческия, обаче скорым покаянием востают и притекают к Богу и к Божией Матери со слезами и теплыми молитвами. Помоществует Мати Божия грешником, но коим грешником? Тем, иже тщатся исправити житие свое и уклоняющеся от зла начинают творити добрыя дела. Избавляет Мати Божия от великих бед и зол не томко праведныя, но и грешныя, но которыя грешныя? Тыя, иже возвращаются к Отцу Небесному, яко блудный сын, воздыхают биющи перси своя, яко мытарь, плачут у ног Христовых, яко грешница, омочившая нозе Его слезами, исповедание Ему приносят, яко на кресте разбойник. На таковыя грешныя Пречистая Божия Мати свыше призирает и ускоряет на помощь им, и от великих бед и зол избавляет я: а о некающихся грешницех небрежет.

ДНИ КАЗАНСКОЙ ИКОНЫ БОГОРОДИЦЫ